Ўзбекистонда 2025 йилнинг январь декабрь ойларида қайд этилган никоҳлар сони 267,1 минг бирлик, ҳар минг аҳолига никоҳ коэффициенти 7,1 промиллени ташкил этди. Бу ҳақда Статистика қўмитаси маълум қилди.

Никоҳлар сони қаторасига тўртинчи йил, 2024 йилга нисбатан эса 4,7 минг бирликка камайган.

Никоҳдан ажралишлар сони 46,9 минг бирлик, ҳар минг аҳолига нисбатан ажралиш коэффициенти 1,2 промиллени ташкил этди. Ажралишлар сони 2024 йилга нисбатан 1,8 минг бирликка кўпайган.

Республикада қайд этилган никоҳлар шаҳар жойларида 132,6 мингтани (49,7 фоиз), қишлоқ жойларида 134,5 мингтани (50,3 фоиз) ташкил этди. Никоҳдан ажралишлар шаҳар жойларида 28,2 мингтани (60,1 фоиз), қишлоқ жойларида 18,7 мингтани (39,9 фоиз) ташкил қилди.