Республика Маънавият ва маърифат маркази ҳузуридаги Ижтимоий-маънавий тадқиқотлар институти ҳамда “Ватандошлар” жамоат фонди билан ҳамкорликда “Ватанпарвар ойлиги” доирасида онлайн тадбир ташкил этилди.

Анжуманда Ўзбекистон  Республикасининг хорижий давлатлардаги дипломатик ваколатхона вакиллари, 200 га яқин ватандошлар ҳамда уларнинг жамоат бирлашмалари раҳбарлари, сиёсий арбоблар, санъат ва маданият ходимлари, оммавий ахборот воситалари ходимлари иштирок этди.

Жараён фонднинг Facebook ижтимоий тармоғидаги саҳифаси орқали тўғридан-тўғри ҳавола этилди. Тадбир аввалида “Ватандошлар” жамоат фонди бошқарув раиси О.Сатторов сўзга чиқиб, юртимиз сарҳадларида хизмат қилаётган мард, фидойи ўғлонларни, хориждаги ватандошларни Ўзбекистон Республикаси Қуролли Кучлари ташкил этилганининг 30 йиллик шодиёнаси ҳамда Ватан ҳимоячилари куни билан самимий қутлади.       

Тадбир якунида хорижда меҳнат қилаётган ва таҳсил олаётган ватандошларимиз  ўз байрам табрикларини йўлладилар.