“Миллий тикланиш” демократик партияси раиси Алишер Қодиров “MY5” телеканалига берган интервьюсида камбағаллик билан боғлиқ бўлган муаммо узоқ йиллар тан олинмагани, даромади кам бўлгани, даромад олиш учун шароитлар яратилмагани билан боғлиқ бўлгани ҳақида фикрларини айтди.

Қайд этишича, камбағаллик ёки дангасалик ўзбекларга хос эмас. Бу совет касаллиги, совет иқтисодий сиёсатининг оқибатидир.

Ўзбекистонда камбағалликни йўқотиш сиёсати, авваламбор, миллатни уйғотиш, сўнг тадбиркорликни жиноят деб билган совет иқтисодий сиёсати яратган яширин иқтисодиёт ва боқимандалик кайфиятини йўқ қилиш учун амалга оширилган мураккаб ижтимоий-иқтисодий ислоҳот эди, деди Алишер Қодиров.

У мамлакатда камбағалликни тугатиш бўйича сиёсат энг оғир қатламга етиб келгани, ногирон ва нафақадагилардан ташқари ҳеч ким ҳаракатсиз даромадга умид қилмаслиги кераклигини таъкидлаган.

Депутат камбағаллик билан боғлиқ бўлган муаммо узоқ йиллар тан олинмагани, даромади кам бўлгани, қашшоқлик халқ дангасалиги билан эмас, балки даромад олиш учун шароитлар яратилмагани билан боғлиқ бўлганини билдирган.