17 октябрь куни «Ўзбекистон темир йўллари» АЖга қарашли темирйўл вокзали, темирйўл станцияси ва темирйўл разъезди номларини давлат тили қоида ва меъёрларига мослаштириш тўғрисида» Ҳукумат қарори қабул қилинди.

Унга кўра, ушбу ҳудудларда ўрнатилган пешлавҳалар ва ахборот кўрсаткичларидаги ёзувлар 3 ой муддатда давлат тили қоида ва меъёрларига мувофиқ лотин ёзувига асосланган ўзбек ёзувида ёзилиши лозим. Мазкур жараённи бажариш мажбурияти Транспорт вазирлиги ва «Ўзбекистон темир йўллари» компанияси зиммасига юклатилган.

Ушбу ўзгартиришлар муносабати билан тегишли ҳужжатлар ҳамда маълумотлар базаларига ҳам ўзгартиришлар киритилади.

Шунингдек, норматив-ҳуқуқий ҳужжатлар, иш юритиш ҳужжатлари ва хизмат ёзишмаларида фақат ушбу қарор билан тасдиқланган номлардан фойдаланилади.