Республика Маънавият ва маърифат маркази томонидан ҳар йили ҳудудий бўлим ва туман-шаҳарлардаги бўлинма раҳбарлари учун семинар-тренинглар ташкил этиб келинади.

Анъанага кўра, бу йил ҳам мазкур самимий мулоқот майдони яна бир бор ташкил этилди.

Унда эришилган марралар, йўл қўйилган камчиликлар таҳлил қилиниши билан бирга, ўзаро тажриба алмашилиб, амалий машғулотлар, спорт мусобақалари ҳам ўтказилди.

Бу сафарги семинардан қуйидагилар мақсад қилинган:

▪️ маънавий-маърифий соҳа вакилларининг фаолият самарадорлигини янада ошириш;

▪️ биргаликда замонавий тарғибот усулларини ишлаб чиқиш;

▪️ ижтимоий аҳамияти юқори ташаббусларни илгари суриш;

▪️ ҳудудларнинг илғор амалиётларини оммалаштириш.

“Очиғи доим ҳудудлардаги бўлим ва бўлинмалар фаолиятига алоҳида аҳамият қаратиб, доимий кузатиб боришга ҳаракат қиламиз. Боиси, улар мамлакатнинг ҳар нуқтасида халққа яқин, маънавий муҳитни таъминлаш борасида катта масъулиятга эга”, дейди Республика Маънавият ва маърифат маркази раҳбари Отабек Ҳасанов.