“Навбаҳор” мактабини уч йил муддатга Нидерландиянинг “Аякс” академияси бошқарувига бериш бўйича келишувга эришилган. Бу ҳақда Наманганда Шавкат Мирзиёев раислигида бўлиб ўтаётган йиғилишда маълум қилинди.

Қайд этилишича, ушбу хорижий футбол академиясининг 11 нафар мураббий, скаут ва методистлари Наманганга олиб келинади.

“Наманганга келиб, футбол ҳақида гапирмасак бўлмайди. Наманганлик ёшлар учун футбол шунчаки ўйин эмас, бу – ҳаёт тарзи. Ҳар бир бола маҳаллада тўп тепиб катта бўлади. “Навбаҳор”нинг ҳар бир ўйини – шаҳар учун катта байрам”, деди давлат раҳбари.

Президент ушбу академиядан дунёнинг топ клубларида ўйнайдиган, жаҳон чемпионатларида маҳоратини намоён қила оладиган футболчилар чиқишига ишонч билдирган.