Бугун, 16 сентябрь куни Президент Шавкат Мирзиёев Наманган вилоятига ташриф буюради. Бу ҳақда Президент матбуот котиби Шерзод Асадов хабар берди.

Унга кўра, 16-17 сентябрь кунлари бўладиган сафар дастуридан саноат, қишлоқ хўжалиги, энергетика ва ижтимоий соҳада ишга туширилган янги объектлар билан танишиш ҳамда вилоятни комплекс ривожлантириш масалалари юзасидан йиғилиш ўтказиш ўрин олган.

Шунингдек, давлат раҳбари "Камбағалликдан фаровонлик сари" III халқаро форумининг очилиш маросимида иштирок этади ва нутқ сўзлайди.