Тошкент вилоятининг барча ҳудудлари пойтахт билан тезкор электр поездлар орқали боғланади.

Бундай вазифа 11-сентябрь куни Шавкат Мирзиёев томонидан Тошкент вилоятида ислоҳотлар натижадорлиги ва янги режалар муҳокамаси юзасидан йиғилишда топширилди.

Қайд этилишича, бу орқали у ерларда ҳам янги уй-жойлар, инфратузилма ва хизматларга талаб ошади, одамлар пойтахтга қатнаб ишлаши мумкин бўлади.

Тошкент вилояти ҳокими Зоир Мирзаев аввалроқ “Ҳокимлик соати” йиғилишида Бекобод шаҳар, Бекобод туман, Бўка, Пискент, Нурафшон орқали Тошкент шаҳрига темирйўл лойиҳаси амалга оширилишини маълум қилганди.