Куни кеча ижтимоий тармоқларда Тошкент шаҳри Учтепа туманидаги 62-сонли умумтаълим мактаб раҳбари 1-синф ўқувчилари олдида мактабнинг аёл педагог ходимларини ҳақорат қилгани айтилган видео тарқалди.

Тошкент шаҳар мактабгача ва мактаб таълими бошқармасининг маълум қилишича, ушбу ҳолат бошқарма томонидан ўрганилди.

“Ушбу ходимга нисбатан қонун доирасида чора кўрилиб, лавозимидан озод этилган”, дейилади бошқарма хабарида.

Шу билан бирга, бошқарма тизимида фаолият юритаётган барча ходимлар касбий одоб-ахлоқ қоидаларига қатъий риоя этиши шартлиги таъкидланган.