Шавкат Мирзиёев ёшларни касб-ҳунарли қилиб, доимий даромад топиши учун шароит яратиш ташвишида эканини, агар бу тўғри йўлга қўйилса, маҳаллада камбағал ва ишсиз қолмаслигини таъкидлади. Бу ҳақда Президент матбуот котиби Шерзод Асадов хабар берди.

Таъкидланишича, Президентнинг Хитойга ташрифи давомида энергетика, геология, кимё, транспорт, қишлоқ ва сув хўжалиги соҳаларидаги ўнлаб йирик компания раҳбарлари билан 35 миллиард долларлик истиқболли лойиҳалар пакети шакллантирилган.

Лойиҳалар учун технологиялар ва хитой тилини яхши биладиган минглаб кадрлар кераклиги таъкидланади. Касбга ўргатишда Хитой тажрибасини жорий этиш мақсадида ҳар бир вилоятда 2 тадан “Ўзбекистон – Хитой устахонаси”ни ташкил қилиш топширилди.

Олийгоҳ, техникум ва мактабларда хитой тилини ўқитиш мақсадида 100 дан зиёд тил эгалари ва волонтёрлар таклиф қилинади.