Интернет тармоғида сохта веб-сайт яратилиб, Ўзбекистон фуқароларига 100 млн сўмгача компенсация тўлаб берилиши ҳақида Солиқ қўмитаси раиси номидан хабар тарқалмоқда.

Солиқ қўмитаси ушбу хабарлар ҳақиқатга тўғри келмаслиги ва фейк эканлигини расман маълум қилди.

Қонунлар, ҳукумат қарорлари ва бошқа норматив-ҳуқуқий ҳужжатлар фақат расмий манбалар орқали эълон қилинади.

Солиқ ҳақидаги ишончли ва тасдиқланган маълумотларни фақат Солиқ қўмитасининг расмий манбаларидан олиш мумкин.

Солиқ қўмитаси фуқароларни ҳушёр бўлишга ва фирибгарларга ишонмасликка чақирди.