Хитой миллий нефт-газ корпорацияси — Чина Натионал Петролеум Cорпоратион (CНПC) Ўзбекистонда ерости газ сақлаш иншоотларини қуришни режалаштирмоқда. Бу ҳақда Президент матбуот хизмати хабар берди.

Шавкат Мирзиёев 2-сентябрь куни Пекин шаҳрига ташриф доирасида ушбу компания директорлар кенгаши раиси Дай Хоулянни қабул қилганди. CНПC билан инвеститсиявий ҳамкорлик портфелини кенгайтириш ва ерости табиий газ сақлаш иншоотларини қуриш, инфратузилмани модернизация қилиш, замонавий метрологик стандартлар ҳамда инновацион ечимларни жорий қилиш лойиҳаларини илгари суриш режалари кўриб чиқилди.

Учрашувда CНПCнинг Ўзбекистонга киритган тўғридан тўғри инвестициялари ҳажми 5 миллиард доллардан ошгани таъкидланди.

Чина Натионал Петролеум Cорпоратион — углеводород хомашёсини қазиб олиш ва қайта ишлаш бўйича юқори технологик лойиҳаларни мамлакат ичида ва ташқи бозорларда амалга оширишга ихтисослашган дунёнинг энг йирик энергетика компанияларидан биридир. Компаниянинг бозор капиталлашуви 200 миллиард доллардан зиёд.

Президент Чина Натионал Буилдинг Материалс (CНБМ) компанияси директорлар кенгаши раиси Чжоу Юйсянни ҳам қабул қилди. Учрашувда компания томонидан насос стансияларини модернизация қилиш, шамол ва қуёш электр станциялари, энергияни сақлаш тизимларини қуриш, муқобил энергетика объектлари учун бутловчи қисмлар ишлаб чиқаришни маҳаллийлаштириш каби истиқболли лойиҳаларни амалга ошириш режалари кўриб чиқилди.

Хитой компаниясининг Ўзбекистон саноат корхоналарининг энергия самарадорлигини ошириш бўйича дастурда иштирок этишига алоҳида эътибор қаратилди. Эришилган келишувларни жадаллаштириш ва амалга ошириш учун алоҳида “йўл харитаси”ни қабул қилиш топширилди.

Ишбилармонлик учрашувлари доирасида давлат раҳбари Хитой миллий ядро корпорацияси — Чина Натионал Нуcлеар Cорпоратион (CННC) раиси Шен Янфенни ҳам қабул қилди. Компаниянинг замонавий технологиялар трансфери ва уран конларини ўзлаштиришдаги иштироки, истиқболли майдонларда геология-қидирув ишларини олиб бориш, шунингдек, тинч атом соҳасида кооперацияни кенгайтириш масалаларига алоҳида эътибор қаратилди.

Хитой миллий ядро корпорацияси фуқаролик ядро дастурлари соҳасидаги энг йирик давлат корхонасидир. Компания уранни қидириш ва бойитишдан тортиб, Хитой ва хорижда атом электр станцияларини қуришгача бўлган лойиҳаларнинг тўлиқ занжирини амалга оширади.

Хитойнинг энергетика ва инфратузилмани ривожлантириш соҳасидаги етакчи компанияларидан бири бўлган Ҳенан Инвестмент Гроуп компанияси бош директори Чжу Хунбин билан учрашувда эса Ўзбекистонда кўмир конларини ўзлаштиришда илғор технологик ечимларни жорий қилиш, замонавий электр станциялари, энергия сақлаш тизимларини лойиҳалаштириш ва қуриш, биомаҳсулотлар ишлаб чиқариш, чиқиндиларни қайта ишлаб, тоза энергия ишлаб чиқариш бўйича кооперация лойиҳаларининг амалий жиҳатлари муҳокама қилинди. 

Давлат раҳбари Хитой компанияси иштирокидаги лойиҳаларни ўз вақтида амалга ошириш учун алоҳида “йўл харитаси”ни қабул қилиш бўйича топшириқ берди.