Қишлоқ хўжалиги вазирлиги тармоқларда тарқаётган “1 кг пахта терими учун 1 800 сўм пул тўланади” мазмунидаги хабарларга жавобан пахта теримининг турли усуллари учун жорий йил учун белгиланган нархларни маълум қилди.

Унга кўра:

- Машина ёрдамида терилган пахтанинг 1 кг учун – 1 373 сўм;

- Қўл меҳнати билан терилган пахтанинг 1 кг учун – 2 000 сўм тавсиявий нарх белгиланган бўлиб, терим вақтида кластер, фермер хўжалиги раҳбарлари ва теримчилар ўртасида ўзаро келишув асосида терим нархи мустақил белгилаш амалиёти ҳам қўлланилади;

- Шунингдек, пахта етиштириш харажатларини қоплаш мақсадида фермерларга давлат бюджети ҳисобидан 1 килограмм пахта учун 1 000 сўм субсидия ажратилади.

Вазирлик шунингдек, пахта терими нархлари жамоатчиликка фақат расмий ахборот манбалари орқали етказилишини эслатиб ўтган.