Ўзбекистон фуқаролари 2025-йил 25-сентябрдан бошлаб Иорданияга визасиз бориши мумкин. Бу маълумотни Ташқи ишлар вазирлиги матбуот котиби Аҳрор Бурхонов тасдиқлади. 

Унинг аниқлик киритишича, Ўзбекистон ва Иордания ўртасида визасиз режимни жорий этиш тўғрисидаги битим имзоланганидан 30 кун ўтиб, 25-сентябрдан кучга киради. Ўзбекистонликлар Иорданияда 30 кунгача визасиз қолиши мумкин бўлади.

Бундан ташқари, томонлар туризм соҳасида ҳамкорлик тўғрисидаги битим ва ҳаво қатнови тўғрисидаги ҳукуматлараро битимга ўзгартиришлар киритиш тўғрисидаги баённомани имзолаган. Хусусан, Тошкент-Амман йўналиши бўйича авиақатновларни йўлга қўйиш режалаштирилган.