Президент Шавкат Мирзиёев иштирокида янги музей қурилишига оид маросим ўтказилди. Музей майдони 40 минг квадрат метр, баландлиги уч қават бўлади. Бино Хитойнинг "CSCEC International Construction" компанияси томонидан қурилади.

Музейда бир вақтнинг ўзида 10 мингга яқин экспонатни намойиш қилиш имконияти яратилади. Бундан ташқари, тўрт минг квадрат метр майдонда конференция заллари, аудитория ва ресторанлар, болалар майдончалари жойлашади. Унинг ташқи қиёфаси айлана, тўрт бурчак ва уч бурчак шаклида бўлиб, Шарқ ва Ғарб маданиятини ўзида уйғунлаштиради. Мажмуа 3 қаватли музей, 2 қаватли ертўла ҳамда ёрдамчи бинолардан иборат бўлади.

Музей ишга тушса, атрофидаги Абулқосим мадрасаси, "Халқлар дўстлиги" саройи ва Миллий боғ билан бир жойда яхлит меъморий композицияга айланиши кутилмоқда.