26 август куни давлат ташрифи билан Ўзбекистонга келган Иордания Ҳошимийлар Подшоҳлиги Подшоҳи Абдулла II ибн ал-Ҳусайн ва Ўзбекистон Республикаси Президенти Шавкат Мирзиёевнинг биргаликдаги музокаралари Самарқанд шаҳридаги Конгресс марказида бўлиб ўтди.

Ташриф доирасида 15 та, жумладан:

- Экстрадиция тўғрисида битим;

- Инвестицияларни ўзаро рағбатлантириш ва ҳимоя қилиш тўғрисида битим;

- Қўшма комиссия тузиш тўғрисида битим;

- Виза талабларини бекор қилиш тўғрисида битим;

- Олий таълим ва илмий тадқиқотлар соҳасида ҳамкорлик тўғрисида битим;

- Туризм соҳасида ҳамкорлик тўғрисида битим;

- Ҳаво қатнови тўғрисидаги ҳукуматлараро битимга ўзгартиришлар киритиш тўғрисида баённома;

- Товарлар ва транспорт воситалари ҳаракати тўғрисидаги дастлабки маълумотларни онлайн алмашиш тўғрисида баённома;

- Қишлоқ хўжалиги соҳасида ҳамкорлик тўғрисида битим;

- Ўсимликлар карантини ва ҳимояси соҳасида ҳамкорлик тўғрисида битим;

- Ветеринария соҳасида ҳамкорлик тўғрисида битим;

- Стандартлаштириш, метрология ва мувофиқликни баҳолаш соҳасида меморандум;

- дин ишлари бўйича англашув тўғрисида идоралараро меморандумлар;

- Иордания Ҳошимийлар Подшоҳлиги Подшоҳи Абдулла II ибн ал-Ҳусайннинг давлат ташрифи давомида эришилган келишувларни амалга ошириш бўйича амалий чора-тадбирлар режаси бўйича икки томонлама ҳужжат имзоланди.

Музокаралар якунида Ўзбекистон Президенти ва Иордания Подшоҳи Шериклик муносабатларини мустаҳкамлаш тўғрисида қўшма баёнот қабул қилди.