Мактабгача ва мактаб таълими вазирлиги мактабларда жорий ўқув йилининг бошланиш санасини маълум қилди.

Унга кўра, Республика бўйлаб барча умумтаълим мактабларида янги – 2025/2026-ўқув йили дарс жараёнлари жорий йилнинг 2-сентябрь санаси, сешанба кунидан бошланади.

Мактаблардаги ўқув жараёнининг биринчи дарс соатларида «Ватан учун, миллат учун, халқ учун!» шиори остида «Келажак соати» дарслари ўтказилади. Жорий йилда биринчи синфга қабул қилинадиган 738 минг нафардан ортиқ ўқувчига 12 номдаги ўқув қуролларидан иборат «Президент совғаси» тантанали топширилади.