Ўзгидромет 29 августгача бўлган об-ҳаво маълумотини эълон қилди.

Унга кўра, ўтган дам олиш кунлари кузатилган қулай ҳарорат фонидан сўнг, бугундан бошлаб Ўзбекистон ҳудуди бўйича ҳаво ҳарорати кўтарила бошлайди ва иш ҳафтаси давомида +36– +39 даража атрофида, жанубда ва чўл ҳудудларда +40 даражагача бўлади.

Ушбу кунларда республика ҳудуди бўйича кам булутли ва қуруқ об-ҳаво қайд этилади.

Шимолда ва чўл ҳудудларда баъзи жойларда шамол тезлиги 13–18 м/с гача кучайиши, айрим жойларда чанг-тўзонлар билан кузатилиши кутилмоқда.

Тошкентда: ҳаво очиқ ва қуёшли бўлади. Шамол шарқдан 3–8 м/с тезликда эсади. Ҳарорат кундузи +36– +39 даража, кечаси +21– +24 даража бўлади.