Аноним миллиардер 2 йил олдин беш кишининг ҳаётига зомин бўлган OceanGate фалокатидан кейин илк бор “Титаник”ка шўнғиш учун 10 миллион доллар тўлайди. Бу ҳақда New York Post манбаларга таяниб хабар берди.

“Бир неча ҳафтадан кейин кимдир “Титаник” тубига шўнғийди. Бу инсон миллиардер эканини айта оламан. У ерга саёҳат 10 миллион долларга тушади. Сиз унинг исмини билсангиз керак”, дейилади манбалардан бирида.

Маълумот учун, 2023 йил 18 июнь куни Американинг OceanGate компаниясига тегишли “Титан” батискафи, 1912 йилда Атлантика океанида чўкиб кетган Титаник лайнери вайроналарига шўнғиш вақтида ҳалокатга учраган ва бортдаги барча, яъни 2 нафар экипаж аъзоси ва 3 нафар йўловчининг барчаси ҳалок бўлган.