Ҳукумат қарори билан «Қорақалпоғистон Республикаси ва Хоразм вилоятида айрим тоифадаги оилаларни ичимлик суви билан таъминлаш харажатларини қоплаш учун субсидия ажратиш тартиби тўғрисида»ги низом тасдиқланди.

Унга кўра, Қорақалпоғистон Республикаси ва Хоразм вилоятида яшовчи Камбағал оилалар реестрига киритилган хонадонларга турар жойда артезиан қудуғи қазиш ҳамда сув насослари ва ичимлик суви фильтрларини харид қилиб, ўрнатиш учун субсидия ажратилади.

Субсидия харажатларнинг 90 фоизини кўпи билан БҲМнинг 30 баравари (12 млн 360 минг сўм)дан ошмаган қисмини қоплайди. Бу ишлар «Ягона миллий ижтимоий ҳимоя» тизимига киритилган тадбиркорлар томонидан мувофиқлаштирилади.

Бунинг учун субсидия олувчи оилаларнинг вояга етган аъзоси ёки қонуний вакили:

• — «Инсон» марказларига бориши,
• — ёки маҳалладаги ижтимоий ходимга мурожаат қилиши мумкин.
• — Сўров тизимга юборилгач, ишчи гуруҳ қарор чиқаради ва натижа автоматик хабар тарзида етказилади.