18 август куни соат 21:40 да экскаватор автотранспорт ҳайдовчиси томонидан ерости юқори босимли газ қувурига шикаст етказилган. Оқибатда ўша вақтдан буён Бўка туманида табиий газ таъминоти вақтинча тўхтатилган. Бу ҳақда Ҳудудгазнинг Тошкент филиали хабар берди.

Қайд этилишича, 12 512 та аҳоли хонадонлари ва 267 та улгуржи истеъмолчилар бўлган ушбу ҳудудда газ таъминоти ходимлари томонидан таъмирлаш ишлари олиб борилмоқда. Таъмирлаш ишлари якунлангач табиий газ таъминоти босқичма-босқич ва хавфсизлик қоидаларига қатъий амал қилинган ҳолда қайта тикланади.