Навоийда ижодкор рассом Шоҳруҳ Суюнов ташаббуси билан «Назм ва наво кечаси» ташкил этилди. Мазкур тадбир доирасида юртдошлар иштирокида ноёб санъат асари яратилди.

Лойиҳа доирасида қатнашувчилар махсус тайёрланган полотнога ўз бармоқ изларини қолдириш орқали буюк шоир ва мутафаккир Алишер Навоий сиймосини шакллантирди. Ташкилотчиларнинг таъкидлашича, бундай иш нафақат санъат намунаси, балки бирдамлик ва маънавий меросга ҳурмат рамзи сифатида ҳам муҳим аҳамият касб этади.

Тадбир давомида шеърият ва мусиқа намойишлари ҳам бўлиб ўтди, маҳаллий ижодкорлар ўз асарларини иштирокчиларга тақдим этди.