Миграция агентлиги фуқароларни хорижда ишлаш учун шошма-шошар қарор қабул қилмаслик ҳақида огоҳлантирди.

Хабарда айрим блогерлар тарқатаётган ёлғон рекламалар орқали фуқаролар лицензиясиз фирмаларга ишониб алданаётгани таъкидланди. Миграция агентлиги бундай ҳолатларни қоралаб, инфлюенсерлар, блогерларни жамоатчилик олдида масъулиятли бўлишга чақирди.

Хорижда хавфсиз ишлаш учун фақат лицензияга эга агентликларга мурожаат қилиш кераклиги ва шартномаларни диққат билан ўқиш шартлиги айтиб ўтилди.

Қайд этилишича, ишончли эълонлар фақатгина Миграция агентлигининг “Хорижда иш” телеграм канали ва лицензияга эга Хусусий бандлик агентликлари каналларида берилади.