2026-йилда Тошкент, Бухоро ва Урганч шаҳарларида янги аэропортлар қурилишини бошлаш режалаштирилмоқда. Бу ҳақда Иқтисодиёт ва молия вазирлигининг 2026−2028 йилларга мўлжалланган фискал стратегиясида маълум қилинди.

Ҳужжатга кўра, келаси йил Тошкент, Бухоро ва Урганч шаҳарларида янги халқаро аэропортлар қуриш бўйича лойиҳаларни амалга оширишга киришиш келтириб ўтилган.

Бундан ташқари, ҳокимият ички ҳаво йўловчи ташишлар ҳажмини камида 1,5 баробарга кўпайтириш ва авиация хизматлари бозорида рақобатли муҳит яратиш мақсадида камида 6 та халқаро авиакомпанияни жалб этишни ҳам режалаштирмоқда.