Ўзбекистон Республикаси Президентининг фармони билан Эъзозхон Гапиржановна Каримова Ўзбекистон Республикаси мактабгача ва мактаб таълими вазири лавозимига тасдиқланди.

Эъзозхон Каримова шу кунгага қадар Мактабгача ва мактаб таълими вазири ўринбосари – Низомий номидаги Ўзбекистон миллий педагогика университети ректори лавозимида ишлаб келаётган эди.

Эъзозхон Каримова бундан «Янги Ўзбекистон» университети проректори, Президент, ижод ва ихтисослаштирилган мактабларни ривожлантириш агентлиги бўлими бошлиғи, директор маслаҳатчиси каби вазифаларда ҳам меҳнат қилган.

Аввалроқ Э.Каримова номзоди Олий Мажлис Қонунчилик палатаси депутатлари томонидан маъқулланган эди.