Жорий йилда “Ўзбекистон халқ артисти Ботир Зокиров хотирасини абадийлаштириш, унинг ижодий меросини чуқур ўрганиш ва жаҳон миқёсида тарғиб қилиш чора-тадбирлари тўғрисида”ги Президент қарори қабул қилинди.

Қарорга кўра, Тошкент шаҳрида Ботир Зокиров мемориал музейи ташкил этилади. Бундан ташқари, Ботир Зокиров номидаги давлат стипендияси таъсис этилилши кўзда тутилган.

2026-йилдан бошлаб, ҳар икки йилда бир марта эстрада санъати бўйича Ботир Зокиров номидаги халқаро кўрик-танлови ўтказиб борилади.

Шунингдек, Ботир Зокировнинг ҳаёти ва ижодига бағишланган бадиий филм яратилиши ҳам қайд этилган.