Ўзбекистон миллий терма жамоасининг бозор нархи 70 млн евро(аниғи – 69.58 млн евро)га яқинлашгани маълум бўлди.

Бу сумма Марказий Осиёда жойлашган давлатлар ичида энг юқориси ҳисобланади.

Мисол тариқасида, қуйида терма жамоаларнинг бозор нархлари келтирилган (2025 йил):

▪️ Ўзбекистон: 69.58 млн евро;

▪️ Қозоғистон: 15.53 млн евро;

▪️ Қирғизистон: 6.65 млн евро;

▪️ Тожикистон: 7.68 млн евро;

▪️ Туркманистон: 2.75 млн евро;

Таҳлилда Ўзбекистон миллий терма жамоасининг 2021 йилдан бошлаб ФИФА рейтингида қандай кўрсаткичлар қайд этгани айтилади.

Жумладан, 2021 йилда Ўзбекистон ушбу рейтингнинг 85-поғонасини банд қилган. 2025 йилга келиб эса жами 27 та поғона юқорилаб, 58-ўриндан жой олган.

Шунингдек, қўшни давлатлар – Тожикистон ва Қозоғистон ҳам рейтингда яхшиланиш қайд этган. Қирғизистон ва Туркманистон эса пасайишни бошдан кечирди.

Таҳлилда ёзилишича, Ўзбекистоннинг юқори нархи легионерлар ва ёш истеъдодларнинг муваффақияти билан боғлиқ.