Ўзбекистон делегацияси Германияда бўлиб ўтаётган XXXII Бутунжаҳон ёзги Универсиада ўйинларида ўз иштирокини якунлади, деб хабар берди Ўзбекистон миллий Олимпиада қўмитаси.

27 июль куни самарқандлик енгил атлетикачи Шарифа Давронова олтин медални қўлга киритди. У уч ҳатлаб сакраш дастурида барча иштирокчилар орасида энг юқори 14,33 метр натижа кўрсатиб, мусобақа ғолиби бўлди.

Шу тариқа делегация 4 та олтин, 4 та кумуш ва 7 та бронза медали билан Универсиада ўйинларидаги иштирокини якунлади.