Энди бино ва иншоатларда ўрнатилган, доимий равишда фойдаланишда бўлган лифтлар 12 ойдан ошмаган муддатда камида 1 марта техник кўрикдан ўтказилиши шарт. Бу ҳақда Ҳуқуқий ахборот телеграм каналида маълум қилинди.

Янги ўрнатилган ва фойдаланишгатопширилган ҳар қандай лифт пудратчисининг мурожаатига биноан 10 иш кунидан кечиктирмай ихтисослашган ташкилот томонидан амалга оширилади.

Техник кўрик натижаларининг тоифасига қараб, лифтларга ёрлиқлар ёпиштирилади:

яшил ёрлиқ — лифтнинг фойдаланишга яроқлилигини билдиради

мовий ёрлиқ — лифтнинг қисман носозлигини

қизил ёрлиқ — лифтнинг фойдаланиш учун хавфли эканини 

сариқ ёрлиқ бўлса лифт носозлигини англатади.

Шунга биноан, қизил ёрлиқ ёпиштирилган лифтлардан фойдаланиш тақиқланиши зарур бўлади.