Тошкент вилояти, Бўстонлиқ тумани тоғларида юз берган ёнғин қарийб 7 соатда ўчирилди. Бу ҳақда ФВВ хабар бермоқда.

24-июль куни соат 11:16 да “Хўжакент” маҳалласи тоғли ҳудудида тахминан 2 гектар майдонда қуруқ ўт ва шох-шаббалар ёнаётгани тўғрисида хабар келиб тушган. Ёнғин-қутқарув экипажлари қутқарувчилари ҳамда тегишли ташкилотлар ходимлари ҳодиса жойига етиб борган ва соат 17:57 да ёнғин ўчирилган.

Ёнғин оқибатида етказилган зарар ёки жабрланганлар ҳақида маълумот берилмади.