Air China авиакомпанияси Хитой ва Ўзбекистон ўртасидаги авиация ҳамкорлигини мустаҳкамлаш йўлида Урумчи — Тошкент — Урумчи йўналишида тўғридан-тўғри рейсларни йўлга қўйди. Бу ҳақда Uzbekistan Airports матбуот хизмати хабар берди.

22 июль куни соат 12:50 да ушбу йўналиш бўйича биринчи рейс Тошкент халқаро аэропортига келиб қўнди. Boeing-737 самолётида етиб келган экипаж ва йўловчилар анъанага кўра сув аркаси, гуллар билан, байрамона муҳитда кутиб олинди.

Таъкидланишича, қатновлар ҳафтада уч марта — сешанба, жума ва якшанба кунлари амалга оширилади.