21 июль куни Ўзбекистон Жаҳон савдо ташкилотига аъзо бўлиш йўлида Швейцария ҳукумати билан Женевада бўлиб ўтган музокараларни икки томонлама протоколни имзолаган ҳолда муваффақиятли якунлади. Бу ҳақда Шавкат Мирзиёевнинг Жаҳон савдо ташкилоти масалалари бўйича махсус вакили Азизбек Ўрунов LinkedIn саҳифасида маълум қилди.

Унга кўра, маррага эришиш учун бир нечта мамлакат қолган, бироқ уларнинг сонини очиқланмаган.

«Бажарилган катта ва конструктив иш учун иккала жамоага — Ўзбекистон ва Швейцария жамоаларига миннатдорлик билдирмоқчиман. Узун рўйхат тугади, орқага санаш бошланди!» — деб ёзади Азизбек Урунов.

Шу тариқа, Ўзбекистоннинг ЖСТга кириши бўйича 25 та мамлакат билан музокаралари охирига етказилди.