2025 йил учун Барқарор ривожланиш мақсадлари индексида Ўзбекистон 73 балл тўплаб, 62-ўринни эгаллади. Ушбу рейтинг БМТнинг Барқарор ривожланиш ечимлари тармоғи (Sustainable Development Solutions Network (SDSN)) ҳамда халқаро экспертлар томонидан эълон қилинди.

Мазкур ҳисоботда БМТга аъзо давлатларнинг мақсадларга эришиши бўйича янгиланган индекс тақдим этилган. Ушбу рейтинг мустақил баҳолаш асосида ҳар йили мамлакатларнинг тараққиёт даражасини аниқлаш билан тайёрланади.

Ўтган 2024 йил билан қиёслаганда 19 поғонага кўтарилган Ўзбекистон 2015 йилдан бошлаб Марказий Осиё ва Шарқий Европа давлатлари орасида энг тез ривожланаётган мамлакат сифатида эътироф этилган.