Президентнинг 2024 йил 19 июль куни қабул қилинган фармонига асосан, мажбурий 11 йиллик таълимнинг сўнгги 6 йиллик баҳолари ўртача кўрсаткичини олий таълим ташкилотига кириш имтиҳонларида инобатга олиш 2 йилга кечиктирилиб, Вазирлар Маҳкамасининг 2021 йил 19 ноябрдаги мазкур тартибни белгиловчи қарори ўз кучини йўқотди.

Жорий йилги қабулда мактаб битирувчиларига ўртача баҳо қўшимча балл сифатида қўшилмайди.

Вазирлар Маҳкамаси қарорига биноан, 2023-2024-ўқув йилидан бошлаб абитуриентларнинг шаҳодатномасидаги 6 йиллик баҳоларнинг ўртачаси тест балларига қўшилиши режалаштирилган эди. Энди эса президент фармони билан бу тизим бутунлай бекор қилинди, яъни мактаб баҳолари тест синовлари натижаларига таъсир қилмайди ва тест балларига қўшилмайди.