Грузиянинг Батуми шаҳрида аёллар ўртасида бўлиб ўтаётган FIDE Жаҳон кубоги баҳсларида Умида Омонова мусобақа тарихида рекорд натижа кўрсатди.

19 ёшли ўзбекистонлик шахматчи дунё рейтинги бўйича 90-ўринни эгаллаб турган бўлишига қарамай, Жаҳон кубогининг 1/8 финалигача етиб борди ва бу натижа орқали энг паст рейтинг билан Жаҳон кубоги 1/8 финалига йўл олган шахматчига айланди.

Маълумот учун, Омонова дастлабки учта ўйинда франциялик Софи Миле, полшалик Алина Кашлинская ва қозоғистонлик Элназ Калиахметларни таслим этган.

Кейинги, тўртинчи босқичда у дунё рейтингида 3-ўринни эгаллаб турган Тингжи Лига қарши баҳс юритди ва имкониятни бой берди.

Умида Омонова ушбу мусобақада 9500 АҚШ доллари ишлаб олди.