ЦСКА ҳужумкор ярим ҳимоячиси Аббос Файзуллаев «Истанбул Башакшеҳир» шарафини ҳимоя қилади, деб хабар берди Championat.asia нашри.

Маълум бўлишича, Файзуллаев янги жамоасида 11-рақам остида ҳаракат қилади.

«Истанбул Башакшеҳир» transfer учун ЦСКАга 7,5 миллион евро тўлаб беради.

Маълумот учун, Ўзбекистон миллий терма жамоаси ҳужумкор ярим ҳимоячиси ўтган мавсум ЦСКА таркибида 39 ўйин ўтказиб, «3+8» натижа қайд этган.

Эслатиб ўтиш лозим, олдинроқ Ўзбекистон терма жамоаси сардори Элдор Шомуродов ҳам турк клуби сафига келиб қўшилган эди.