“Вики фолклорни севади — 2025” халқаро фотосуратлар танлови ғолиблари аниқланди. Бу ҳақда Ўзбекча Википедия Телеграм каналида ҳам хабар берилди.   

Энг эътиборга молик деб топилган ғолиблар орасида Эламанова Элвинага тегишли “Миллий либосдаги ўзбек қизи” ҳамда Марат Наджибаевга тегишли “Бухородаги фестивал” суратлари ҳам бор:

Турли халқларнинг номоддий маданий мероси, миллий либослари, фольклори, фестиваллари, рақс ва ўйинлари, урф-одатларини тарғиб қилишга қаратилган “Вики фольклорни севади — 2025” халқаро фототанлови доирасида ўзбек маданияти, либослари, урф-одатларига оид жами 936 та сурат юкланган.

Бу йил ушбу танловда 142 мамлакатдан 1 912 та кўнгилли иштирок этган. Умумий ҳисобда Викиомборга 85 715 та медиа файл юкланган. Мутлақ ғолиб деб топилган суратлар Мянма, Туркия ва Филиппин каби давлатларнинг ўзига хос анъаналарини ўзида акс эттиради.

Қолган суратлар билан қуйида танишишингиз мумкин: