Қорақалпоғистон Республикасининг Тахиатош ва Қораўзак туманларида ҳам 16–18 июль кунлари барча давлат мактабгача таълим ташкилотларининг фаолияти вақтинча тўхтатилди.

Бу борада 15 июль куни туман ҳокимларининг тегишли қарорлари қабул қилинган. Унда 16—18 июль кунлари ҳаво ҳароратининг 40 даражадан ошиши сабабли, иссиқ ҳароратнинг болалар саломатлигига салбий таъсирини олдини олиш мақсадида туман ҳудудидаги барча давлат ва нодавлат мактабгача таълим ташкилотлари иш фоалияти вақтинча тўхтатилиши белгиланган.

Аввалроқ Қорақалпоғистоннинг Хўжайли тумани ҳудудидаги барча давлат мактабгача таълим ташкилотларининг фаолияти вақтинча тўхтатилгани ҳақида хабар бергандик.