Шавкат Мирзиёев 8 июль куни Ўзбекистон ва Франция ҳукуматлари ўртасида реадмиссия борасидаги битимни тасдиқлаш тўғрисидаги қарорни имзолади. Бу ҳақда Адлия вазирлиги матбуот хизмати хабар берди.

Ушбу ҳужжат 12 март куни Ўзбекистон президентининг Францияга ташрифи доирасида Парижда имзоланган эди.

Реадмиссия — бу бир давлатнинг ваколатли органлари томонидан миллий қонунчиликни бузган ҳолда унинг ҳудудига кирган ёки у ерда бўлиб турган шахсларни (мигрантларни) бошқа давлат ваколатли органларига махсус келишув асосида топшириш ва қабул қилиш жараёни (депортация ва экстрадициядан фарқли жараён).

Ўзбекистон бир қатор давлатлар, жумладан Чехия, Эстония, Россия ва Қозоғистон билан реадмиссия тўғрисидаги битимларга эга. 2024 йилда Германия билан ҳам шундай келишув тайёрланаётгани хабар қилинганди.

1-центабрдан бошлаб хорижда қонунбузарлик қилиши оқибатида депортация қилинган фуқароларга икки йил давомида хорижга чиқиш биометрик паспорти берилмайди.