Тошкент шаҳри Мирзо Улуғбек туманидаги Янги Ўзбекистон кўчасининг бир қисми бир ойга ёпилди, дея хабар бермоқда туман ҳокимлиги.

Қайд этилишича, “Янги Ўзбекистон” боғи ёнида ерости йўл ўтказгичи қурилмоқда ва қурилиш таъмирлаш ишлари олиб борилмоқда.

Шу сабабли 9-июлдан 9-августгача Янги Ўзбекистон йўлининг (Тошкент вилоятидан ҳаракатланиб келишда) боққа туташ қисмида автоуловлар ҳаракати тўхтатилади.

Ҳаракат “Янги Ўзбекистон” боғи чегара ҳудудидаги йўл орқали Миллий боғ кўчасига йўналтирилади.