Ўзбекистонда хизмат кўрсатган артист Мирзатилла Холмедов Ўзбекистон давлат сатира театрига директор этиб тайинланди. Бу ҳақида Маданият вазирлиги хабар бермоқда.

Маданият вазирнинг биринчи ўринбосари Авазхон Таджиханов Ўзбекистон давлат сатира театрида ташкилий ва ижодий масалалар юзасидан йиғилиш ўтказди.

Йиғилиш давомида Ўзбекистон Республикаси маданият вазирининг тегишли буйруғи билан Ўзбекистон давлат сатира театри директори лавозимига тайинланган Ўзбекистонда хизмат кўрсатган артист Холмедов Мирзатилла Нигматуллаевични жамоага таништирди.

Маълумот ўрнида, Мирзатилла Холмедов тайинловга қадар "Ўзбекконсерт" давлат муассасасида сўз устаси бўлиб фаолият олиб бораётган эди.