10 июль кунига режалаштирилган қоғоз (paper-based) имтиҳонлар режадагидек ўтказилади, бироқ 11 июлдан бошлаб фақат компьютерда (computer-based) имтиҳон топшириш мумкин. Бу ҳақда IDP тест маркази маълум қилди.

Имтихон учун аввалроқ рўйхатдан ўтганлар имтиҳон шаклини «computer-based»га ўзгартириши ёки тўловни тўлиқ қайтариб олиши мумкин.

«British Council эса ҳозирча бу ҳақда эълон қилмади. Бироқ унда ҳам қоғоз вариантдаги имтиҳон учун рўйхатдан ўтиб бўлмаяпти», деб ёзади ҳуқуқшунос Хушнудбек Худойбердиев.

Унга кўра, аввалроқ Ўзбекистонда IELTS имтиҳонида тушадиган саволлар тўплами «тарқалиб кетган». Бундай ҳолатлар кескин ортгани ҳақидаги хабарлар ортидан 7 июнь куни имтиҳон топширган номзодларнинг натижалари қайта текшириш учун олиб қолинган.