Оила ва хотин-қизлар қўмитаси раисига ўринбосарлар тайинланди. Бу ҳақда қўмита ахборот хизмати хабар бермоқда.

Таъкидланишича, бугун Оила ва хотин-қизлар қўмитасида Олий Мажлис Сенати Раиси Танзила Нарбаева иштирокида йиғилиш ўтказилган. «Йиғилишда Ўзбекистон Республикаси Президентининг тегишли қарори билан лавозимга тайинланган Қўмита раисининг биринчи ўринбосари – Абдуллаева Умида Ҳазратовна, Қўмита раиси ўринбосари Нурматова Мукаррам Ахмедовналар жамоага таништирилди», - дейилади хабарда.