Дам олиш кунлари иссиқ аста-секин пасайишни бошлайди, бироқ бу пасайиш камроқ бўлади, деб хабар бермоқда “Ўзгидромет”.

Прогнозларга кўра, 4-июль Ўзбекистоннинг шимоли-ғарбий ҳудудлари бўйича ҳарорат 34-39 даражагача пасайиши сезилади.

6-июль, якшанба куни ҳарорат кундузи 38-41 даража атрофида, жанубда 42-44 даражагача бўлади.

Ўзбекистонда шамол тезлиги 13-18 метр/секундгача, 5 июлда республиканинг айрим жойларида, 6 июлда чўл ҳудудларда баъзида 20-22 метр/секундгача кучайиши, чанг-тўзон билан кузатилиши кутилмоқда.

Тошкентда ҳаво кам булутли бўлади, ёғингарчилик кутилмайди. Ҳарорат асосан 5-июлда 40-43 даража, 6-июлда 39-41 даража бўлади.

“Ўзгидромет” аввалги прогнозларида 5-июлда ҳарорат 4-6 даражага пасайишини, бироқ июль ойида салқин ҳавони кутмаслик кераклигини билдирганди.