“Самарқанд нўхат шўраги” географик кўрсаткич – маданий ва ҳудудий ўзига хосликни акс эттирувчи интеллектуал мулк объекти сифатида давлат рўйхатидан ўтказилди.

Адлия вазирлиги матбуот хизмати хабар беришича, товарни муайян географик объект ҳудудидан келиб чиққан товар сифатида идентификацияловчи белги географик кўрсаткич деб эътироф этилиб, бунда товарнинг сифати, ном қозонганлиги ёки бошқа хусусиятлари унинг географик жиҳатдан келиб чиқишига сезиларли даражада боғлиқ бўлади.

Самарқанд вилояти адлия бошқармаси бошлиғи Салоҳиддин Саттаров 3-июнь куни вилоят ҳокими вазифасини бажарувчи Адиз Бобоевга “Самарқанд нўхат шўраги” географик кўрсаткич ҳужжатини топширди.

Маълумот учун: географик кўрсаткич – бу маҳсулотнинг маълум ҳудудга хослиги ва айнан шу ҳудуд табиий, инсоний, тарихий омиллари билан боғлиқ алоҳида сифатларга эга эканини билдирувчи интеллектуал мулк объекти ҳисобланади.