Бранд Финанcэ компанияси 2025 йил учун миллий брендлар рейтингини эълон қилди.

Ўзбекистон ўтган йилга нисбатан ўз рейтингини яхшилаб, 57-ўриндан 55-ўринга кўтарилди. Қўшнилардан Қозоғистон ҳам 45-ўриндан 43-ўринга кўтарилиб, олдинга қадам ташлади. Қирғизистон ҳам бироз олдинга силжиб, 130-ўриндан 127-ўринга кўтарилди.

Мамлакат бренди қийматини баҳолашда ялпи ички маҳсулот (ЯИМ), инвестицион ва туристик жозибадорлик, савдони тартибга солиш, ижтимоий жиҳатлар ҳамда бошқа иқтисодий кўрсаткичлар ҳисобга олинади.

Рўйхатнинг энг юқори поғонасидан АҚШ, Хитой ва Германия ўрин олган. Кейинги ўнталикка Буюк Британия, Япония, Франция, Ҳиндистон, Канада ва Италия киради. Бу давлатлар иқтисодиёти ва дунёда тан олиниши туфайли анъанавий равишда юқори ўринларни эгаллаб келмоқда.

Ўзбекистон, шунингдек, миллий бренд сифатида энг тез танилаётган давлатлар ичида иккинчи ўринни эгаллаган. Биринчи ўринни Испания банд этган, учинчи ўринга эса Полша жойлашган.

Рейтингга жами 192 давлат киритилган.