25 июнь соат 24:00 дан қурилиш-таъмирлаш ишлари олиб борилиши муносабати билан Тошкент шаҳар Яшнобод туманидаги Оҳангарон шоҳ кўчасида транспорт воситалари ҳаракати вақтинча тўхтатилади. Бу ҳақда шаҳар ИИББ ЙҲХБ хабар берди.

Тумандаги Темур Малик-Паркент-Маҳтумқули кўчалари айланма ҳаракатидан, ТХАЙ-Оҳангарон шоҳ кўчалари айланма ҳаракатигача бўлган қисми ёпилади. Қурилиш-таъмирлаш ишларини бажариш муддати 2025 йил 25 июнь соат 24:00 да 1 июль кунига қадар давом этиши белгиланган.

Хабарда шунингдек, ҳайдовчиларга муқобил йўналишлардан фойдаланиб, Бектемир шоҳ кўчаси, Фарғона йўли кўчаси, Маҳтумқули кўчаси, ва Янги Ўзбекистон кўчаларидан ҳаракатланишлари тавсия этилган.