Бугун, 24- июнь куни 27 июнь — Матбуот ва оммавий ахборот воситалари ходимлари кунига бағишланган «Заковат» ўйини бўлиб ўтди. Унда «Ойина» жамоаси 1-ўринни эгаллади.

Халқаро пресс клуб, Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди ҳамда «Заковат» клуби ҳамкорлигида ташкил этилган мусобақада жами 29 та ОАВ жамоалари ўзаро куч беллашди.

Дўстона руҳда ўтган беллашув якунида қуйидаги жамоалар совринли ўринларни эгаллади:

1-ўрин: «Ойина» жамоаси
2-ўрин: «ЎзЖОКУ» жамоаси
3-ўрин: «Ёшлар» жамоаси

Мусобақа ғолиблари қуйидаги совринлар билан тақдирланди:

1-ўрин: 18 млн сўм ва Самарқандга саёҳат йўлланмаси
2-ўрин: 15 млн сўм
3-ўрин: 12 млн сўм

Шунингдек, мусобақада қатнашган барча жамоаларга диплом ва эсдалик совғалари топширилди.