Ёшлар ишлари агентлиги томонидан ёш ижодкорларни қўллаб-қувватлаш, уларнинг истеъдодини рўёбга чиқариш мақсадида ташкил этилган «Дуэль» адабий танловининг финал босқичи бўлиб ўтди.

Якуний босқичда республиканинг турли ҳудудларидан етиб келган иқтидорли ёшлар ўз ижод намуналари билан иштирок этди ва ҳакамлар томонидан ғолиблар аниқланди. Унга кўра,

Катталар шеърияти йўналиши бўйича:

Мадина Норчаева 1-ўринни эгаллади ва 50 миллион сўм пул мукофоти билан тақдирланди;

Азизбек Юсупов 2-ўринга лойиқ деб топилиб, 40 миллион сўм мукофотига сазовор бўлди.

Болалар шеърияти йўналиши бўйича:

Шамшода Ҳамдамова 1-ўринни эгаллади ва 50 миллион сўм пул мукофоти билан тақдирланди;

Сардор Саъдуллаев 2-ўринга лойиқ деб топилиб, 40 миллион сўм мукофотига сазовор бўлди.

Танловда қатнашган барча иштирокчилар ноутбук ҳамда сертификат билан тақдирланди.