Ижтимоий тармоқларда тарқалган Вобкент туманида "Cobalt" автомобили каналга тушиб кетганлиги ҳақидаги хабар юзасидан расмий маълумот берилди.

Қайд қилинишича, 2021 йил 26 декабрь куни, Бухоро вилояти, Вобкент тумани ФВБга келиб тушган хабарга кўра, шу куни соат 07:00ларда ҳайдовчи, 1997 йилда туғилган И.Х. "Cobalt“ русумли автомобилда ҳаракатланаётиб, руль бошқарувини йўқотиши оқибатида туман ҳудудидан ўтувчи «Шохруд» каналига тушиб кетган.

Ҳодиса оқибатида тан жароҳати олган ва ҳалок бўлган фуқаролар йўқ.

Воқеа жойига зудлик билан туман ФВ бўлими қутқарувчилари ва тегишли хизмат ходимлари етиб келган ва махсус техника ёрдамида транспорт воситаси каналдан олиб чиқилган.